Илгизә Галиуллина
Өченче этап Кабан күле тирәли җәяүлеләр маршрутын тулысынча төгәлләячәк һәм шәһәрнең тарихи үзәген яңартылган территорияләр белән тоташтырачак. Моннан тыш, Кабан күле яр буе — Россиядә төзекләндерелгән күл буе территорияләре арасында иң озыны булачак.
Күл буен яшелләндерүгә дә аерым игътибар бирелә. Әлегә яр буендагы үсемлекләрнең 80 проценты — Америка өрәңгесе булуы ачыкланган. Үсемлекләр утырту эшләрен “Парк сервис” компаниясе башкарачак. Компания җитәкчесе, биология фәннәре кандидаты Сергей Мурзов сүзләренчә, әлеге территориядә Америка өрәңгесе тулысынча бетереләчәк.
— Америка өрәңгесенең яфраклары һәм тамырлары «колин» дип аталган катлаулы матдәләр бүлеп чыгара. Алар туфракка зыян сала, шуңа күрә бу агач янында да, астында да башка үсемлекләр үсми диярлек. Моннан тыш, җәй көне өрәңге күп күләмдә фитонцидлар бүлеп чыгара. Ул автомобиль газларын йотмый, киресенчә, алар белән кушылып, һавага зарарлы матдәләр тарата. Бу агач кислородны йота, шуңа күрә без аны тулысынча юк итәчәкбез. Аның урынына таллар һәм күпьеллык чәчәкләр утыртачакбыз, — диде ул.
Сүз уңаеннан, 2026 елның 1 мартыннан Россиядә Америка өрәңгесе урманнарга зыян китерүче куркыныч инвазив үсемлекләр исемлегенә кертеләчәк. Җир кишәрлекләре хуҗалары үз территорияләрендә мондый үсемлекләр таралуын булдырмаска һәм аларны юк итәргә тиеш булачак. Әлеге таләпне үтәмәгән очракта гражданнарга — 50 мең сумга кадәр, вазыйфаи затларга — 100 мең сумга кадәр, юридик затларга 700 мең сумга кадәр штраф каралган.
.jpg)
Кызыклы яңалыкларны күзәтеп бару өчен безнең МАХ каналына кушылыгыз.
Комментарийлар