#Хәвеф-хәтәр 08 март 2015, 05:02

Шагыйрь Рифат Сәлахтан 8 март күчтәнәче

08 март 2015, 05:02

Кемдер тәрәз шакый... Март бугай ул. Күңелдә дә яңа яз туа. Сез нәкъ шушы җылы язлар кебек Сөйкемле дә, яшь тә, назлы да. Сез - дөньяның яме, хатын-кызлар, Бөтен гөлләр сезгә - алыгыз. Язгы кояштан да якты булып, Балкыбрак йөргән чагыгыз. Сез - җиһанның яңа туган язы, Яз көнендә шуңа...

Скопировать ссылку

Кемдер тәрәз шакый...
Март бугай ул.
Күңелдә дә яңа яз туа.
Сез нәкъ шушы җылы язлар кебек
Сөйкемле дә, яшь тә, назлы да.

Сез - дөньяның яме, хатын-кызлар,
Бөтен гөлләр сезгә - алыгыз.
Язгы кояштан да якты булып,
Балкыбрак йөргән чагыгыз.

Сез - җиһанның яңа туган язы,
Яз көнендә шуңа бу бәйрәм.
Сүзләр белән әйтеп бирмәс хис бар,
Сез укырсыз аны гөлләрдән.