Бакчаны сукыр тычкан басты? Иң нәтиҗәле ысуллар

Укучыбыз соравына җавап бирәбез.

Сукыр тычканнар — бакчачылар өчен киң таралган проблема. Алар туфракны йомшартса да, уңышка зыян сала. Алардан котылу өчен түбәндәге ысулларны кулланып карагыз:

1. Тавыш ярдәмендә

Сукыр тычканнар тынычлык ярата:

* пластик шешәләрне таякка кидереп куегыз
* металл таяклар кагыгыз
Җилдә чыккан тавыш һәм тибрәнү аларны куркыта.

2. Көчле исләр куллану

Алар кискен исләрдән кача:

* керосин яки нашатырь сеңдерелгән чүпрәк
* сарымсак, суган кабыгы
Өннәренә куегыз.

3. Су агызу

Өннәренә су агызу: вакытлыча гына ярдәм итә, ләкин башка ысуллар белән бергә кулланырга була.

4. Үсемлекләр белән саклану.

Кайбер үсемлекләр табигый куркыткыч («отпугиватель») булып тора:

* сарымсак
* бәрхет чәчәкләр

5. Заманча җайланмалар

* ультратавышлы отпугивательләр иң нәтиҗәле һәм кешелекле ысулларның берсе.

6. Капкыннар

Корткычлар бик күбәйсә: махсус капкыннар куярга мөмкин. Әмма аларны сак кулланыгыз

Бер генә ысул белән чикләнмәгез — берничәсен бергә кулланганда нәтиҗә күпкә яхшырак була.