Чәй файдалы булсын дисәгез, яңа пешергән чәй эчегез

“Science Daily” журналы әлеге эчемлекләрнең кешеләргә тәэсиренә бәйле тикшеренүләр нәтиҗәсен бастырган. 

Тикшеренү нәтиҗәләре, даими чәй эчү йөрәк-кан тамырлары авырулары, симерү, диабет һәм берничә төр рак куркынычын киметүен күрсәтә. Моннан тыш чәй эчү өлкән яшьтә мускул массасының кимүен әкренләтә.  

Чәйдәге файдалы үзлекләрне галимнәр полифенолларның, аерым алганда катехиннарның югары күләме белән бәйли. Бу матдәләр ялкынсынуга һәм микробларга каршы торырга ярдәм итә. Яшел чәй кан басымын төшергә һәм холестеринны яхшыртырга булыша. 

Әгәр дә чәй файдалы булсын дисәгез, яңа пешергән чәй эчегез. Шешәләрдәге чәйләрдә консервантлар һәм шикәр күп була. Шуңа да аларның файдасыннан, организмга зыяны күп булуы бар. Өстәвенә, андый чәйдә пестицидлар, авыр металллар һәм микропластик эзләре дә булырга мөмкин, бу кулланучылар өчен куркыныч тудыра, ди белгечләр.