Кан куера – гомер кыскара? Табиблар кисәтә: нәрсә ашарга һәм ничек яшәргә

Белгечләр әйтүенчә, холестерин арту һәм кан әйләнеше начараю сәбәпле, организм кислород җитмәүдән интегә, ә бу исә йөрәк-кан тамырлары авыруларына китерә.

Бөтендөнья сәламәтлек саклау оешмасы мәгълүматлары буенча, йөрәк-кан тамырлары чирләре дөньяда үлем сәбәпләре арасында алдынгы урыннарның берсен били. Кан куерганда, тромблар барлыкка килеп, инфаркт, инсульт кебек куркыныч нәтиҗәләргә китерергә мөмкин.

Канны ничек “сыекларга”?

Белгечләр иң гади, ләкин иң нәтиҗәле киңәшне атый: су эчү. Көн саен гәүдә авырлыгының һәр килограммына якынча 30 мл чиста су эчү кан әйләнешен яхшырта.

Нәрсә ашарга?

Канны сыеклауга ярдәм итүче продуктлар:

* авокадо, киви, помидор, брокколи
* сарымсак, суган, лимон
* зәйтүн һәм җитен майлары
* кара җиләкләр (кара карлыган, мүк җиләге, чия)
* балыклар: тунец, скумбрия, сельдь

Бу ризыклар Е витаминына, Омега-3 май кислоталарына бай һәм йөрәкне саклый.

Нәрсәдән сакланырга?

Кайбер продуктлар киресенчә канны куерта:

* К витамины күп булган яшелчәләр (шпинат, петрушка һ.б.)
* крахмаллы ризыклар (бәрәңге, дөге)
* артык шикәр

 Тормыш рәвеше дә мөһим

Физик активлык — кан әйләнешен яхшыртуның тагын бер мөһим юлы. Даими хәрәкәт итү, җәяү йөрү, йөзү, спорт белән шөгыльләнү йөрәк-кан тамырлары системасын ныгыта.

Белгечләр ассызыклаганча, кан куеруны кисәтү — катлаулы түгел. Дөрес туклану, җитәрлек су эчү һәм актив тормыш рәвеше гомерне озайтырга һәм куркыныч авырулардан сакланырга ярдәм итә.

Хамидә Гарипова әзерләде
алдан табиб белән киңәшләшү зарур