Кура җиләге белән «Сөтле кыз» («Молочная девочка») торты

Кирәкле ингредиентлар

 Камыр өчен

* Куертылган сөт – 380 г (1 банка)

* Йомырка – 2 данә (С1)

* Он – 160 г

* Камыр көпшәкләндергеч – 10 г (разрыхлитель) 

Кура җиләге эчлеге өчен

* Кура җиләге – 150 г (яңа яки туңдырылган)

* Шикәр – 40 г

* Кукуруз крахмалы – 8 г

 Крем өчен

* Каймак (25–30%) яки асма каймак – 350 г (сливки) 

* Сөт өсте (33–35%) – 250 г

* Шикәр пудрасы – 40 г

Бизәү өчен

* Яңа кура җиләге, бөтнек яфраклары (теләк буенча)

Э

Әзерләү тәртибе

1 нче адым. Кура җиләге эчлеген әзерләү

1. Кура җиләген кәстрүлгә салыгыз.

2. Өстенә шикәр кушыгыз.

3. Уртача утта җиләк согын чыгара башлаганчы җылытыгыз.

4. Крахмалны 1–2 аш кашыгы салкын суда эретегез.

5. Әлеге катнашманы җиләккә салыгыз һәм өзлексез болгатып 1–2 минут пешерегез.

6. Эчлек куера башлагач, уттан алыгыз.

7. Суынсын өчен савытка күчереп, азык-төлек пленкасы белән каплап куегыз.

2 нче адым. Камыр әзерләү

1. Зур савытка куертылган сөтне салыгыз.

2. Йомыркаларны өстәгез.

3. Венчик белән бертөрле масса булганчы болгатыгыз.

4. Он белән көпшәкләндергечне иләп кушыгыз.

5. Камырны артык озак болгатмагыз – ул куе каймак кебек булырга тиеш.

3 нче адым. Коржлар пешерү

1. Мичне 200°Ска кадәр җылытыгыз.

2. Пергамент кәгазенә 18–20 см диаметры булган түгәрәкләр сызыгыз.

3. Һәр түгәрәккә 2–3 аш кашыгы камыр салыгыз.

4. Кашык белән түгәрәк буенча тигезләп җәегез.

5. 6–7 минут пешерегез.

6. Коржларның кырыйлары алтынсу төскә кергәч, чыгарыгыз.

7. Пешкән коржларны суындыргач, кирәк булса, тигезләп кисеп алыгыз.

Бу күләмдәге камырдан гадәттә 7–8 нечкә корж чыга.

4 нче адым. Крем әзерләү

1. Салкын сөт өстен миксер белән йомшак күбек хәленә кадәр күпертегез.

2. Аерым савытта каймак белән шикәр пудрасын болгатыгыз.

3. Күпертелгән сөт өстен каймакка берничә өлешләп кушыгыз.

4. Силикон кашык белән сак кына болгатыгыз.

Крем җиңел, ләкин формасын тотарлык булырга тиеш.

5 нче адым. Торт җыю

1. Тәлинкәгә беренче коржны куегыз.

2. Өстенә 2–3 аш кашыгы крем сөртегез.

3. Урта өлешенә әзер кура җиләге эчлегенең бер өлешен салыгыз.

4. Икенче корж белән каплагыз.

5. Барлык коржлар беткәнче шул тәртиптә кабатлагыз.

6. Соңыннан тортның өстен һәм ян-якларын калган крем белән тигезләгез.

6 нчы адым. Суыткычта тоту

Тортны кимендә 6–8 сәгатькә, ә иң яхшысы бер төнгә суыткычка куегыз.

Шушы вакыт эчендә коржлар кремны сеңдерә, торт аеруча йомшак һәм сусыл була.

7 нче адым. Бизәү

Торт өстен:

* яңа кура җиләге,

* бөтнек яфраклары,

* шикәр пудрасы,

* ак шоколад валчыклары белән бизәргә мөмкин.

Пешерү буенча киңәшләр

* Барлык ингредиентлар бүлмә температурасында булса, камыр яхшырак килеп чыга.

* Коржларны артык озак пешермәгез, югыйсә алар кибеп китә.

* Крем өчен сөт өсте яхшы суытылган булырга тиеш.

* Торт икенче көнне тагын да тәмлерәк була.

Йомшак, авызда эреп торган, җиңел әчкелтем кура җиләге тәме белән баетылган искиткеч «Сөтле кыз» тортын әзерләрсез. Бу десерт бәйрәм табыны өчен дә, гаилә белән чәй эчү өчен дә бик уңышлы сайлау булып тора.