Кыш җиткәнче тирегезне саклагыз: дерматологлар иң еш ясала торган хаталарны атады

Сәбәбе һава температурасы төшү генә түгел, салкын җил, бүлмәдә, җылыту сезоны башланганлыктан, коры һава булу. Тән тиресе дымын тизрәк югалта башлый. Саклау чаралары нечкәрә һәм моңа кадәр аскы катламда булган әйберләр өскә бәреп чыга.

Косметика чаралары куллану алдыннан үзегезнең бит тиресе нинди типка кергәнен ачыклау мөһим.

Моның ачыклау өчен битегезне яхшылап юыгыз.

Ярты сәгать узгач, бит тиресе нинди булганын карагыз. Әгәр дә тартышып торган, «кавыкланучан» булса, димәк — коры тире. Әгәр дә инде ялтырап торса майлы. Т — зонасы гына (маңгай, борын, ияк) ялтырап торса, катнаш тире исәпләнә. Мондый типка кергәннәрнең төрле өлешләрдә бизләр төрлечә эшли.

Әмма тиренең тибы һәм хәзерге халәте икесе ике нәрсә. Чөнки дым җитмәү ул тирегә майлылык түгел, ә су җитмәүне аңлата. Тире тартылып торырга, шул ук вакытта ялтырарга мөмкин.

Бит тиресен сыйфатлы карау теләсә нинди тип өчен дә мөһим. Шул исәптән, майлы тирегә дә. Андыйны тәрбияләү бигрәк тә кирәк, ди дерматологлар. Әгәр майлы тирене тиешле дәрәҗәдә дымландырмасаң, ул тагын да күбрәк май бүлеп чыгара башлый.

Тирегезне йомшак кына чистартырга өйрәнегез.

Душта гел урынына махсус майлар, крем куллану корылыкны киметә.

Табиблар бүлмәдәге дымлылык хакында да уйларга киңәш итә. Тире өчен 30-50 процент кулай санала.

Косметика сайлаганда, вакыт узу белән каршылык (барьер рус.) тудыра торганын сайларга, ә мизгел эчендә үзгәрешләр вәгъдә иткәнен түгел. Составында церамид, сквалан, глицерин булганнарны карагыз. Алар дымлылыкны сакларга ярдәм итә. Әгәр дә тирегез яхшы кабул итә икән, ретиноид һәм кислоталар да кулланырга була. Әмма тире сизгер булганда, артыгын кулланмау хәерле.

Тирене тәрбияләү катлаулы һәм кыйммәтле булырга тиеш дигән сүз түгел. Иң мөһиме тирегезнең нинди типка кергәнен ачыклагыз һәм үзегезгә туры килгәнен сайлагыз.

Коры тире өчен тыгызлыгы югары булган кремнар сайлагыз. Майлы тирегә җиңел текстуралы крем кирәк булачак.

Тән тиресе, бит тиресендә караганда, салкынча күбрәк зыян күрә. Шуңа да кайнар душта юынмаска, ә душтан соң исә тәнгә крем сөртергә киңәш ителә.