Пакетлы чәй: ике тапкыр куллан(ма)

Бу мондый пакетларда бактерияләрнең үрчүе белән бәйле. 
Пакетлы чәйне бер тапкыр кулланганнан соң ул дымлы була. Мондый тирәлек эч китүгә, ашказаны авыртуына китерә торган микроорганизмнар үсеше өчен яхшы тирәлек, ди экспертлар. Хәтта кайнар су белән стерильләштергән очракта да организмга зыян килүе бар. 

Шуны да истә тотарга кирәк: пакетлы чәйне кулланганда андагы файдалы матдәләр, кофеин беренче тапкыр пешергәндә генә чыга. Кабат пешергән очракта бары тәмле ис яисә тәм бирә торган матдәләр генә ис һәм төс бирә.

Чәйгә шикәр яисә сөт салган очракта, агулану куркынычы бермә-бер арта. Чөнки ул пакет эчендә кала һәм бактерияләр үсешен тагын да стимуллаштыра. 
Пакетны пешергәннән соң чынаяктан шунда ук алу хәерле. Әгәр дә кабат пешерергә уйлыйсыз икән инде, моны 30-40 минут эчендә эшләргә киңәш ителә.