Суперҗилем белән нәрсә ябыштырырга ярамый?

Гомумән алганда, суперҗилем әзер хәлдә куркыныч тудырмый һәм азык өчен булган савыт-сабалар өчен кулланганда токсиннар бүлеп чыгармый. Ләкин азык белән элемтәдә булган әйберләрне ябыштыру өчен моны эшләмәү яхшырак. Савыт-саба ремонтлау өчен махсус җилем һәм азык белән контактка яраклы эпоксид сумалалар кулланырга мөмкин. Керамика һәм фарфор чынаяклар өчен ике компонентлы эпоксид катнашмалар яраклы.

Суперҗилем кайбер пластикларны, мәсәлән, полиэтилен һәм полипропиленны ябыштыру өчен яраклы түгел – бу материаллар аның белән яхшы ябышмый. Бу пластик әйберләрнең түбән өслек энергиясе белән бәйле. Башта суперҗилем өслекне ябыштырды кебек күренсә дә, кыска вакыттан соң ул барыбер сыначак яки ватылачак. Силикон өслекләр белән дә шундый ук хәл: материалның югары сыгылмалылыгы һәм судан сакланучы үзлекләре белән бәйле рәвештә җилем силикон өслеккә нык ябышмый. Бүгенге көндә төрле өслекләр өчен шактый күп төрле җилемнәр эшләнелгән. Пластик өслекләрне ябыштыру өчен махсуслаштырылган җилемне куллану яхшырак. Аларның тышлыгында, гадәттә әлеге составның кайсы төр пластикка яраклашкан булуы күрсәтелә.

Җилемнең тышлыгына игътибар итегез: анда PP (полипропилен), PE (полиэтилен) һәм PS (полистирол) дип язылган була. ABS – пластик өчен эпоксид смолалары яки активаторлы цианоакрилатлар ярый.

Резина – йомшак, җәелә торган материал. Резин өслекләрен, мәсәлән, аяк киемнәрен ябыштырганда, тоташа торган урын нык булмый һәм шуэа күрә тиз кубачак. Резина әйберләрне ремонтлаганда неопрен яки полихлоропренга нигезләнгән контакт җилемен кулланыгыз. Махсус резина җилеме дә яхшы альтернатива була, алар кипкәч тә ябышкан урынның сыгылмалылыгын саклый. Аяк киемен ремонтлаганда суга һәм тозга чыдам полиуретан җилемен сайлау яхшырак.