#Киңәш сандыгы 10 июнь 2019, 11:21

4000 K дип язылган яктырткычлар сайламагыз...

10 июнь 2019, 11:21

Күпләр кичен компьютер белән эшләгәндә, телевизор караганда, ут яндыруны кирәксенми. Монитордагы яктылык та җитә дип уйлый. Чынлыкта исә, күзләр төсләр контрастыннан арымасын өчен, лампочкалар янып торырга тиеш икән. Яки өстәл яктырткычларын кулланыгыз. Компьютерда ял итеп алмыйча эшләсәгез, яктырткычлар гына да булышмый. 20 минут эшләгән саен, 20 секунд ял итегез.

Скопировать ссылку

Лампочка сайлауның исә үз кагыйдәләре. LED-лампа сайлаганда, төс температурасына игътибар итегез. 4000 K яки аннан да күбрәк дип язылган булса, андый яктырткычтан баш тарту хәерле. Алар урамны йә булмаса җитештерү объектларын яктырту өчен җайлы. Өйдә куллану өчен 3000-4000 K җитә, ял бүлмәсендә 2500-3000 K күрсәткечлесен сайлагыз.
Лампочкаларның ак фильтрлысы да, сарысы да куркынычсыз. Кемгә кайсы ошый – шунысын ала.

Кызыклы яңалыкларны күзәтеп бару өчен безнең МАХ каналына кушылыгыз.