#Киңәш сандыгы 14 август 2021, 13:50

Алма печеньесы пешерә беләсезме? Рецепт

14 август 2021, 13:50

Бакчадагы алманың күплеге... Ни пешерим икән, дип баш ватучыларга бик тәмле һәм тиз пешерелә торган алма печеньесы рецепты тәкъдим итәбез.

Скопировать ссылку

Кирәк булачак:
2 алма
2 йомырка
100 грамм шикәр комы
100 грамм йомшак атланмай + табаны майлау өчен
280 грамм он + табага сибү өчен
1 чәй кашыгы күперткеч
1 чәй кашыгы ваниль шикәре
тәменчә тоз
тәменчә шикәр пудрасы.

Йомыркаларны тоз белән туглыйбыз, акрын гына гадәти һәм ваниль шикәрне өстибез. Атланмай салабыз да тагын азрак туглыйбыз. Бүлеп-бүлеп он белән күперткеч салабыз һәм яхшылап (миксер белән дә мөмкин) болгатабыз. Алманы зур итмичә генә шакмаклап турыйбыз һәм катнашмага кушабыз. Майланган һәм он сибелгән табага, ара калдырып, кашык ярдәмендә печеньеләр кебек итеп ясап камырны тезәбез. 180 градуска кадәр җылытылган пичтә якынча 10-15 минут пешерәбез. Суынганчы шикәр пудрасы белән бизибез.

Чәйләрегез тәмле булсын!

Фото: koolinar.ru

Кызыклы яңалыкларны күзәтеп бару өчен безнең МАХ каналына кушылыгыз.