#Киңәш сандыгы 19 июль 2017, 13:37

Эремчекле запеканка әзерләү ЫСУЛЫ

19 июль 2017, 13:37

Моның өчен 1 кг эремчек, 3 йомырка, 6 аш кашыгы шикәр комы, 0,5 чәй кашыгы тоз, 2 аш кашыгы каймак (кибетнеке, 20 процент майлылыктагысын), 1 кап (10 гр) ваниль шикәре, 2 уч манный ярмасы, 1 чәй кашыгы җитен орлыгы кирәк.

Скопировать ссылку

Э ремчекне бәрәңге төйгеч белән яхшылап төям, төерләре калмаса, тәмлерәк, йомшаграк була, блендер кулланырга да мөмкин. Аннары калган ингредиентларны салып, яхшылап болгатам да, майлаган табага салып (бу рецепттан зур бер таба чыга, табагыз кечерәк булса, запеканка биегрәк булачак), 180 градуслы мичтә 30 минут пешерәм. Табага панировка өчен сохари да сибәм. Җитен орлыгын салмасагыз да була, ләкин ул бик файдалы, мин аннан еш файдаланам.