Әфлисун кабыгын чүп чиләгенә салмагыз, ә бакчага чыгарып ыргытыгыз!

Ул туфракны азот кушылмаларына баета. Цитруслыларның кабыгын компостка ыргытсагыз да ике куян койрыгын тотасыз. Бердән, ашлама була, икенчедән, бөҗәкләрне куркыта. Әфлисун кабыгы тизрәк чересен өчен, юып, ваклап турагыз. Әгәр дә үсемлекләр, агач-куаклар бет, талпан белән зарарланса, әфлисун кабыгы төнәтмәсе сибегез. Моның өчен ике-өч әфлисун кабыгын ваклап турап, өстенә бер литр җылы су агызыгыз. Атна буе караңгы урында төнәтегез. Соңыннан сөзеп, ике литр су һәм бер аш кашыгы сыек сабын кушыгыз. Шуның белән, берәр атна тәнәфес ясап, үсемлекләргә биш-алты тапкыр сибегез.

Кич белән бакчада черкиләр эшләргә комачауласа, тәнегезнең ачык урыннарын әфлисун кабыгы белән ышкыгыз (аллергия булмаса гына).