#Киңәш сандыгы 10 апрель 2019, 11:35

Хатын-кызлар өчен файдалы ризыклар ИСЕМЛЕГЕ

10 апрель 2019, 11:35

Фасоль, ясмык, борчак, нут кебек кузаклылар туклыклы һәм шул ук вакытта майлылыгы аз. Алар эчәклек рагын булдырмый калырга да булыша. Кабак, ташкабактагы бета-каротин исә күкрәк рагы авыруы барлыкка килү куркынычын киметә.

Скопировать ссылку

Җитен орлыгында 20 төрле аминокислота, A, E, C, D, K, B төркеме витаминнары, эфир майлары, йод, марганец, кобальт, тимер, фосфор, калий, магний, натрий, хлор кебек минераллар һәм Омега-3 майлы кислотасы бар. Шуның белән ул йөрәк авыруларыннан саклый.

Брокколида кальций һәм В төркеменә караган витаминнар бар.
Яшь барган саен, кальций күбрәк кирәк. Олыгая башлагач, хатын-кызларның күбесе остеопороздан җәфалана. Шуңа да күбрәк сөт ризыкларын ашарга тырышыгыз.

Хатын-кыз организмы бер айда тимерне ирләр организмына караганда ике тапкырга күбрәк югалта. Тимер алма, гранат, хөрмә, инжир, шпинат, төсле кәбестә, брокколи, чөгендер, кукуруз, фасоль, ясмык, борчакта бар.

Кызыклы яңалыкларны күзәтеп бару өчен безнең МАХ каналына кушылыгыз.