Кыр ромашкасы төнәтмәсе салкын тигәннән дәвалый, аллергиядән һәм йокысызлыктан булыша

Ромашка чәчәкләрен җиләс урында ачык һавада киптерергә һәм тукыма яки кәгазь капчыкларда сакларга кирәк.

Тамак авыртканда түбәндәге төнәтмә кулланыгыз: икешәр чәй кашыгы кипкән ромашка чәчәге белән юкә чәчәген алабыз да өстенә 500 мл кайнар су салабыз. 30 минуттан артык төнәтергә кирәкми. Соңыннан сөзеп алып, шуның белән көненә өч-дүрт тапкыр тамакны чайкатабыз.
Артрит, артроз, ревматизмнан ванна: 3 литр суга 200 гр чимал салып, ут өстенә кайнатырга куябыз. Кайнап чыгуга ук, тазга бушатабыз һәм аякларны шуңа тыгып утырабыз.

Рецептны кулланыр алдыннан табиб белән киңәшләшегез.