Кызыл карлыган һәм әфлисуннан компот

Карлыганны сабакларыннан, яфракларыннан чистартабыз һәм агып торган салкын суда юабыз. 

Әфлисунны юып, кабыгы белән 6-7 телемгә кисәбез. 3 литрлы банкага 2-3 телем дә җитәчәк. Яраткан кеше күбрәк тә сала ала. 
3 литрлы банканы стерильләштереп, кызыл карлыганны тутырырга. Өстенә әфлисун кисәкләре салып, кайнар су тутырырга. 

Банка өстен капкач белән каплап, ярты сәгать тотарга. 
Аннан суны кәстрүлгә бушатып, шикәр кушарга һәм уртача утта 5 минут кайнатып алырга. 

Кайнаган сыеклыкны карлыганнар өстенә агызып, банка капкачын ябарга.
Компотны кышлык өчен түгел, суынганнан соң ук эчәргә дә тәмле. Баллы яратмаучылар, ул очракта, шикәрне азрак куллана ала.

Фото: https://ru.freepik.com