#Киңәш сандыгы 10 июль 2021, 10:37

Лилия Муллагалиевадан чия кайнатмасы (вареньесы) РЕЦЕПТЫ

10 июль 2021, 10:37

Чиядән кайнатмалар әзерли башладыгызмы әле? Татарстанның атказанган артисты Лилия Муллагалиева үзе яратып ясый торган чия кайнатмасы (вареньесы) рецепты белән уртаклашты.

Скопировать ссылку

Лилия Муллагалиевадан чия кайнатмасы (вареньесы) РЕЦЕПТЫ

“1 стакан кайнап торган суга 11 стакан чияне стаканлап берәм-берәм салып бетерәбез һәм кайнап чыккач 10 минут пешерәбез. Аннары 7 стакан шикәр комы салып, кайнап чыккач тагын 10 минут кайнатабыз һәм сүндерәбез. Калган тагын 7 стакан шикәр комын салабыз һәм эретеп бетергәнче болгатабыз. Вареньены алып куябыз, ул үзлегеннән суынырга тиеш. Аннары тагын утка куеп кайнатып чыгарабыз да банкаларга тутырабыз. Тәмле булсын! Куанып ашагыз!” - дип язган Лилия инстаграм сәхифәсендә.

Кызыклы яңалыкларны күзәтеп бару өчен Т елеграмга кушылыгыз.