Маринадта ысланган балык

Балыкларны юып, тозлыйсы савытка тутырабыз да маринад ясыйбыз. 1 литр су исәбеннән 5 аш кашыгы шикәр комы, 2 аш кашыгы тоз, куш уч белән ике тапкыр суган кабыгы алына (күп булса да артык түгел), 5 аш кашыгы коры чәй. Барысын бергә кушып кайнатырга. Кайнап чыккач, 5-7 минут сүрән утта тотабыз. Суынгач сөзәргә дә, яраткан кешегә 5 аш кашыгы сыек төтен салырга була (кибеттә сатыла). Әзер маринадка балыкны салып, дүрт көн тотабыз. Мин үзем бер атна тотам.

Альмирә Миңнуллина, Лаеш, Сингел.