Пластик контейнерлар зыянлымы?

Гел шул савытларда гына микродулкынлы мичтә ашамлык җылыта идем. Бер танышым, ул организмга бик зыянлы диде. Бу дөресме?
Рәзинә Әхмәтҗанова, Биектау

Татарстан Фәннәр академиясе академигы, Ислам дөньясы Фәннәр академиясе академигы, техник фәннәр докторы Әхмәт Мәзһәров сүзләренчә, әлеге савытларны микродулкынлы мич эчендә җылытырга ярамый. Полиэтиленнан ясалган савытларның молекулалары кеше сәламәтлегенә артык зыянлы булмаса да, аңа төс, ис өчен кушыла торган матдаләр җылынган вакытта организмга зыян сала. Микродулкынлы мичтә ризыкны пыяла савытта җылыту хәерлерәк.  

Фото: freepik.com