#Киңәш сандыгы 23 сентябрь 2020, 16:04

Сентябрь аенда бакчада башкарасы эшләр

23 сентябрь 2020, 16:04

Кишер, чөгендер, ачы торманы ай дәвамында алырга була. Чөгендернең Рокет, Либеро, Бордо сортларын сентябрь башында, соң өлгерә торганнарын ай ахырында алыгыз.

Скопировать ссылку

Кишер белән тамырлы петрушканы алуны да сентябрь ахырына калдырыгыз. Тамыразыкларны коры көнне алырга кирәк. Киң тартмага ком белән катыштырып тутырып, коры җилләтелә торган урында саклагыз, дүрт көннән подвалга төшерегез.
Кәбестәне дә октябрьгә калдырырга кирәкми. Дәвамлы яңгырлар булып, вакытында алмый калуыгыз бар.
Карбыз белән кавынны коры урында картон өстенә куеп, ике айга кадәр саклый аласыз. Алар бер-беренә тиеп торырга тиеш түгел.
Кабак язга кадәр саклана.

Фото: http://pixabay.com

Кызыклы яңалыкларны күзәтеп бару өчен безнең МАХ каналына кушылыгыз.

#Бакчачы #Бакча