Сирин алма белән грушага комачаулый

Сирин, роза, пихта, барбарис һәм ак акация янәшәдә үскән алма белән грушага үсәргә комачаулый.

Бакча җиләгенең урынын дүрт елга бер тапкыр алыштырып торыгыз.
Груша янына балан утыртсаң, беренчесе тагын да тизрәк үсеп китәр.
Кура җиләге белән карлыган янына утыртылган яран гөле гөбләне (агач бете) куркыта.

Яңа сатып алынган куак-агачларны су белән балчык­тан торган катнашмага манып алып, тукыма яки пленка белән төреп куегыз.
Кура җиләге - алмагачка, нарат - крыжовникка яхшы «күрше».
Кырмыска оясыннан котылу өчен, аның өстенә бор кислотасы эремәсе яки кайнар су сибегез. Аннары сарымсак тырнакларын батырып, тоз сибегез.

Чия белән сливаны язын утыртырга кушалар, җимеш­ле культураларны көзен утыртсаң, аларның тамырлары туңарга мөмкин.
Бакча җиләген паразитлардан саклау өчен, янәшәсенә календула утыртыгыз. Чәчәк аткач, орлыклары туфракка төшмәсен өчен, аларны кисеп ыргытыгыз.