#Киңәш сандыгы 25 сентябрь 2012, 07:23

Ультратавыш та дәвалый

25 сентябрь 2012, 07:23

Дөньяда күптөрле терапевтик ысуллар кулланыла. Безнең илдә хупланган терапияләр арасында магнит ярдәмендә дәвалану, ароматерапия, ультратавыш терапиясе, шулай ук тавыш, музыка ярдәмендә дәвалану бар. Аларның кайберләре белән сезне таныштырып үткән дә идек инде. Әйтик, музыканың авыруларны тернәкләндерүдә зур роль уйнаганын, төсләрнең дә теге яки бу авыруны дәваларга булышканлыгын беләбез. Медицинада ультратавыш...

Скопировать ссылку

Ультратавыш терапиясендә уннан егермегә кадәр мегагерц ешлыгындагы дулкыннар кулланыла. Ул да күп авыруларны дәваларга, косметик кимчелекләрне бетерергә булыша. Ультратавыш тонусны күтәрә, аллергиягә каршы торырга булыша. Моннан тыш, ул спазмнарны, тәндәге җөйләрне бетерә, тән тиресе картаюны тоткарлый, иммунитетны ныгыта, остеохондроз һәм артрит кебек авыруларны дәвалый һәм кан әйләнешен яхшырта һ.б. Бу терапия ярдәмендә тамак, борын һәм колак авыруларын дәваларга, бөердәге ташларны вакларга мөмкин. Шулай ук аның белән целлюлитны да дәвалыйлар, ул бетчәләрне һәм пигмент тапларын да бетерергә булыша.
Әмма ультратавыш белән дәвалану бөтен кешегә дә рөхсәт ителми. Әйтик, йөрәк-кан тамырлары авырулары булганнарга, түбән кан басымлыларга, туберкулез, шулай ук шикәр авырулы кешеләргә, аяклары шешенүчеләргә һ.б.га ул ярамый. Ультратавыш авырлы хатыннарга да рөхсәт ителми. Шуңа күрә табиб белән киңәшләшү мөһим.