Ел укучысын сайладылар

Ел укучысы-2015" шәһәр конкурсы нәтиҗәләре билгеле булды. Быел бу исемгә Казанның Яңа Савин районы 7нче лицей-интернат укучысы Евгений Кива лаек дип таптылар.

Беренче конкурста укучылар үзләре турында "Минем дөньяма рәхим итегез" дип аталган презентация тәкъдим иткән иде. Ә "Казан шәһәренең иң яхшы ел укытучысы-2015" укытучылар осталыгы конкурсы җиңүчесе Наталья Смирнова исә катнашучылар арасында "Иң яхшы укытучыга - иң яхшы укучы" бәйгесен оештырды. Биредә укучылар үзләренең креативлыкларын күрсәтте.

Конкурсантларны Казан шәһәренең мәгариф идарәсе башлыгы Илсур Һадиуллин котлады. Барлык катнашучыларга кыйммәтле бүләкләр тапшырылды, дип хәбәр итә Казан шәһәре Башкарма комитетының мәгариф идарәсе.