Эстраданың танылган баянчысы өйләнде!

24 яшьлек Кукмара егете кәләш эзләп ерак бармаган, үзенең якташы, Кукмара районының Аш-Буҗи авылы кызы Гөлшаһидәгә өйләнгән. 

“Гөлшаһидә белән 4,5 ел очрашып йөрдек. Никахыбыз аның өендә булды, мәҗлескә иң якыннарны гына чакырдык. Мәһәргә алтын алка бүләк иттем. Туебыз 29 июльдә Кукмарада узачак. Туйга иҗатташ дусларым, танылган артистлар да чакырулы. Алар арасында Ильмира Нәгыймова, Зәринә Хәсәншина, Вадим Захаров, Илшат Сафин, Рәфис Кәлимуллин, Илнат Фәрхуллин, Гөлсирин Абдуллина белән Азат Абитов һәм башкалар бар. Мәҗлесне Илназ Миңнеханов алып барачак”, - диде Ильяс.

Ильяс белән Гөлшаһидәне чын күңелдән котлыйбыз, саф мәхәббәт һәм гаилә бәхете телибез!