#Кыскача яңалыклар 06 августа 2023, 14:49

Фирдүс Тямаев Ришат белән Тәтишканы дуслаштырырга теләде!

06 августа 2023, 14:49

Кичә Питрәч районы Чыты авылында Авыл көне гөрләп узды.

Скопировать ссылку

Кичә Питрәч районы Чыты авылында Авыл көне гөрләп узды.

Чакырылган артистлар арасында Фирдүс Тямаев белән Ришат Фазлыйәхмәтов та бар иде.

Ришат белән Тәтишка (үз исеме Эльмира) аерылышулары турында хәбәр итсә дә, бергә эшләүләрен әйтте, шуңа да Чыты авылына Тәтишка да килгән иде. Фирдүс Тямаев җырлап бетергәч, сәхнәгә Ришатны, аннары Эльмираны чакырды.

"Кеше көлдереп йөрмәгез, бүген бергә кайтып йоклагыз. Минем кул җиңел", - диде Фирдүс яшьләргә.

Фирдүс кушканча, Ришат Тәтишка алдында тезләнеп, "Мин сине яратам!" диде. Фирдүс "Әче!” дигәч, Ришат Тәтишканы кочаклап битеннән үпте.

Ришат та, Тәтишка да моны көтмәде, билгеле. Үзләре дә шаккатты. Аның каравы, ике йөрәк дуслашты дип өметләнәсе килә!

Кызыклы яңалыкларны күзәтеп бару өчен Телеграм-каналга кушылыгыз.