#Кыскача яңалыклар 08 ноябрь 2023, 14:13

ОСАГО мәҗбүри булудан туктарга мөмкин

08 ноябрь 2023, 14:13

Дәүләт Думасы депутатлары беренче укылышта автомобильләрне теркәү өчен ОСАГОның мәҗбүри булудан туктарга мөмкинлеге турындагы канун проектын кабул итте.

Скопировать ссылку

Агымдагы елның июнендә Транспорт комитеты башлыгы Евгений Москвичев автомобиль хуҗасын алыштырганда ОСАГО полисын таләп итүне гамәлдән чыгару турындагы закон проектын Дәүләт Думасына кертте. Аңлатма язуында ул машинаны теркәү автомобиль хуҗасына автомобильне эксплуатацияләү бурычын йөкләми, ә теркәлгәннән соң транспорт чарасы озак вакыт эксплуатацияләнмәскә мөмкин дип аңлата.

Хәзер автомобиль хуҗалары машина исәпкә куелганчы гражданлык җаваплылыгы куркынычын иминиятләштерергә тиеш. ЮХИДИда таләп ителә торган мәҗбүри документлар исәбенә яңа хуҗаның паспорты, машинаны теркәү турында таныклык (СТС), транспорт чарасы паспорты (ПТС), автомобильгә милек хокукы яки лизинг турында документ, дүрт яшьтән өлкәнрәк машиналар өчен гамәлдәге диагностик карта һәм ОСАГО полисы керә. Үзгәрешләр кабул ителгәннән соң, иминият полисы мәҗбүри документлар исемлегеннән алып ташланачак.

Кызыклы яңалыкларны күзәтеп бару өчен безнең МАХ каналына кушылыгыз.