Соңгы биш елда республика фаунасы марал һәм тимгелле болан белән тулыланган

– Мондый эш республикада совет чорыннан бирле үткәрелмәгән, ул вакытта 20 гасырның 70 нче елларында кабан китерелгән булган. Боланнар буенча да нәтиҗәгә ирешербез дип ышанабыз. Хәзер бу төрләрнең исәбе алып барыла. 2030 елга үз алдыбызга аларны республиканың бөтен территориясенә күчереп утырту бурычын куябыз, – диде ул ведомство коллегиясендә.  

Республикада аучылык планында соры куян, кыр тавыгы, көртлек һәм урман тавыгына ихтыяҗ арта. Әмма әлеге төрләрнең саны динамикасына анализ биологик потенциалдан шактый түбән үсеш темпларын күрсәтә: соры куян һәм кыр тавыгы – 48 процентка, көртлек – 45 процентка, урман тавыгы – 38 процентка. Республиканың аерым җирләрендә бу кошларның саны билгеләнгән нормативка туры килмәвен күрәбез, диде Федор Батков.