Татарстан техник үсеш алган төбәкләр өчлегенә кергән

Исемлектә Татарстан өченче урында тора. Беренче һәм икенче урында Мәскәү белән Санкт-Петербург. «РИА-Рейтинг» экспертлары әзерләгән рейтинг унтугыз күрсәткеч буенча төзелгән, алар арасында кеше ресурслары, галимнәр саны һәм аларның яше, матди-техник база, фәнни җиһаз күләме һәм сыйфаты, фәнни-техник эшчәнлек нәтиҗәлелеге, бирелгән патентлар һәм инновацион товарлар күләме һәм башка күрсәткечләр бар.