#Кыскача яңалыклар 06 декабрь 2023, 15:02

Укучыларга дәрестә телефон куллану тыела

06 декабрь 2023, 15:02

Дәүләт Думасы икенче һәм өченче, соңгы укылышта укучыларның смартфоннарны куллануын тыю турында закон проектын кабул итте.

Скопировать ссылку

Ашыгыч очраклар гына моңа керми.

— Әти-әниләр һәм укытучылар бу норманы хуплауны сорадылар. Кабул ителгән карар балаларыбызның белем бирү сыйфатын күтәрәчәк, — дип язган Дәүләт Думасы спикеры Вячеслав Володин үзенең telegram-каналында.

Дәүләт Думасы шулай ук канунга берничә төзәтмә кабул итте. Аерым алганда, канун проекты буенча 2024 елның 1 сентябреннән мәктәпнең башлангыч һәм урта сыйныфларында мәҗбүри хезмәт дәресләре кертелә.

Ноябрь аенда Дәүләт Думасы беренче укылышта мәктәпләрдә мобиль телефоннарны куллануны тыючы закон проектын кабул итте. Документны октябрьдә Мәгариф буенча дәүләт комитеты рәисе Ольга Казакова җитәкчелегендәге төрле фракцияләрнең депутатлары һәм сенаторлары төркеме керткән. Соңрак депутатлар мәктәп укучыларына хәтта белем бирү максатларында да смартфоннар куллануны тыючы закон проектына төзәтмә керттеләр.

Кызыклы яңалыкларны күзәтеп бару өчен безнең МАХ каналына кушылыгыз.