2024 елның 1 гыйнварыннан ягулыкка акциз ставкаларын арттыру турында закон үз көченә керә.
Россиядә декабрь аенда бензинга күмәртә (оптовые - ред.иск.) бәяләре, көз айлары белән чагыштырганда, бераз төште. Әлеге фактор илдә ихтыяҗның сезонлы кимүе һәм ягулык запасларының булуы белән бәйле. Әмма, 2022 елның декабре белән чагыштырганда, бәяләр 6 процентка, ә АИ-98 маркаларына 10 процентка арткан. Бу хакта Лайф басмасы хәбәр итә .
Ул 2024 елның 1 гыйнварыннан ягулыкка акциз ставкаларын 5 процентка, 2025 елда 4 процентка һәм 2026 елда 4 процентка арттыру планлаштырыла, дип хәбәр итә финанс аналитигы Владислав Антонов.
- Ягулык бәяләре 2024 елда инфляция дәрәҗәсе чикләрендә артачак. Үзәк банк фаразлары буенча, 2023 елда инфляция 7,5 процент тәшкил итәчәк. Димәк, бензин бәяләренең артуы бу күрсәткечтән күпкә югарырак булырга тиеш түгел. Соңгы 10 елда нефтьнең уртача бәясе ел саен 8 процентка төшә. Ягулык бәясе күтәрелер, ләкин тиз арада. Хөкүмәт 1 октябрьдән ягулык демпферын элеккеге күләмдә торгызу турында карар кабул итте, шуңа күрә күмәртә бәяләре түбәнгә төшәчәк, ә ваклап сату бәяләре дә арзанаячак. Әмма тиз үсеш тә күзәтелми, — дип аңлатты Владислав Антонов.
Россиядән ягулык экспортын яңарту эчке бәяләргә дә йогынты ясарга мөмкин. Эш шунда ки, нефть компанияләре өчен экспорт товарлары отышлырак.
Шулай итеп, Владислав Антонов фикеренчә, 2024 елның 1 гыйнварыннан бензинга бәяләрнең бераз артуын көтәргә кирәк. Ул беренче чиратта акцизлар үсеше белән бәйле булачак. Әмма бәяләр кискен рәвештә күтәрелмәячәк.
Комментарийлар