#Кыскача яңалыклар 09 июнь 2017, 09:43

12 июньдә Казанда узачак бәйрәм чаралары ПРОГРАММАСЫ

09 июнь 2017, 09:43

Быел 12 июнь дүшәмбегә туры килә, димәк, россиялеләрне рәттән өч көн ял көтә. Татарстанда әлеге бәйрәм уңаеннан төрле кызыклы чаралар да уздырылачак. Казанда исә бу көннең төп вакыйгалары Кремль яр буендагы мәйданда узар дип көтелә. Анда «Энергия реки», «Танцуй добро» фестивальләре һәм зур концерт булачак.

Скопировать ссылку

Авиатөзелеш һәм Яңа Савин районнарындагы «Крылья Советов» паркында спорт ярышлары, концерт һәм балалар рәсемнәре бәйгесе сәгать 10.00да башлана.

Вахитов һәм Идел буе районнарында яшәүчеләр Горький исемендәге паркта ял итә алачак. Анда Татарстан халыклары Ассамблеясы катнашында тамаша күрсәтеләчәк.

Киров һәм Мәскәү районнарындагы төп вакыйгалар «Полимер» мәдәният йортында, Урицкий исемендәге паркта һәм «Экран» спорт-сәламәтләндерү лагеренда оештырылачак. Бәйрәм чаралары шулай ук Горки-Әмәт урман паркында, Дәрвишләр бистәсендәге скверда, Кабан күле яр буенда, «Хезмәт резервлары» стадионында булачак.