15 меңгә якын мохтаҗ гаилә республикадан азык-төлек ярдәме алачак

Ярдәм азык-төлек җыелмалары рәвешендә күрсәтеләчәк, алар ике ай дәвамында ике атнага бер тапкыр биреләчәк. Азык-төлек җыелмасында карабодай ярмасы, борчак, солы, бодай оны, токмач, көнбагыш мае, шикәр комы, тушенка, чәй, вафли, шоколад куелган. Аларны якын көннәрдә бирә башлаячаклар.

Аеруча зыян күргән һәм башка чыганаклардан ярдәм ала алмаган гаиләләрне дә Президентыбыз әлеге исемлеккә кертте. Мондый категорияләргә керемнәре яшәү минимумыннан түбәнрәк булган 65 яшьтән өлкәнрәк ялгыз яшәүче гражданнар; ата-ана алимент түләүдән читләшә торган яшәү минимумыннан түбәнрәк керемле гаиләләрдәге балалар; җан башына уртача кереме яшәү минимумыннан түбәнрәк булган, үз составында 8 яшьтән өлкәнрәк балалары булган гаиләләрдәге балалар; социаль куркыныч хәлдәге гаиләләр; опека һәм попечительлек буенча бурычлары түләүсез нигездә башкарыла торган гаиләләр; ата-аналары кризистан зыян күргән өлкәләрдә үзмәшгульләр яисә индивидуаль эшкуарлар булган балалар керә.

Казанда 14967 шундый гаилә исәпләнә.

Беренче биш категориядәге гаиләләр исемлеге Татарстан Республикасы Хезмәт һәм социаль яклау министрлыгы һәм Татарстан Республикасы Мәгариф министрлыгы мәгълүматлары нигезендә төзелде һәм расланды. Хәзерге вакытта мохтаҗларның алтынчы категориясе буенча исемлекләрне Казан районнары администрацияләре төгәлләштерә. Шуңа бәйле рәвештә кризистан зыян күргән өлкәләрдә эшләүче үзмәшгульләрдән һәм шәхси эшкуарлардан район администрацияләренә түбәндәге телефоннар буенча кайнар линиягә мөрәҗәгать итүләрен сорыйлар:

+7(843)519-34-47 - Авиатөзелеш һәм Яңа Савин районнары;