#Кыскача яңалыклар 13 июнь 2023, 15:24

48 яшьлек танылган актер вафат булган

13 июнь 2023, 15:24

Бүген Уфада Мәҗит Гафури исемендәге Башкорт академия драма театры актёры Хәким Мортазин 48 яшендә вафат булган.

Скопировать ссылку

«Башинформ» шул турыда хәбәр итте.

Хәким Фәрит улы Мортазин 1975 елның 14 мартында Зианчур районының Яңабай авылында туган. 1996 елда З.Исмәгыйлев исемендәге Уфа дәүләт сәнгать институтын тәмамлый. 1997 елда М.Гафури исемендәге Башкорт академия драма театры труппасына кабул ителә. Соңгы елларда Хәким Фәрит улы төрле спектакльләрдә күп рольләр уйный, БСТ һәм «Тамыр» телеканалының телевизион фильмнарында төшкән.

2010 елда Хәким Мортазинга Башкортстан Республикасының атказанган артисты исеме бирелгән.

Артист белән хушлашу вакыты турында мәгълүмат өстәмә рәвештә игълан ителәчәк, диелә хәбәрдә.

"Татар-информ"

Кызыклы яңалыкларны күзәтеп бару өчен безнең МАХ каналына кушылыгыз.