#Кыскача яңалыклар 17 июль 2024, 10:39

77 меңгә якын укучы БДИ балларын яхшырта алган

17 июль 2024, 10:39

105 меңнән артык Россия укучысы 4 һәм 5 июльдә Бердәм дәүләт имтиханын (БДИ) яңадан тапшыру хокукыннан файдаланган, дип яза РИА Новости. Бу хакта Рособрнадзор башлыгы Анзор Музаев хәбәр иткән.

Скопировать ссылку

- Имтиханга килүчеләр күпкә азрак булыр дип уйлаган идем, әмма гаҗәпкә калдым. Имтиханнны яңадан тапшыру буенча ике өстәмә көндә 105 меңнән артык кеше катнашты, бу теләк белдергәннәрнең 94 процентын тәшкил итте. Щлеге сан укучыларның аңлы карар кабул итүен күрсәтә, - ди Музаев.
Рособрнадзор башлыгы билгеләп үткәнчә, информатика имтиханына яңадан тапшырырга теләк белдергәннәрнең 97 процентка якыны, профильле математикага 95 процент һәм җәмгыять белеменә якынча 95 процент килгән.

Бердәм дәүләт имтиханы предметларының берсен яңадан тапшыру хокукыннан файдаланган укучыларының 73 проценты үз нәтиҗәләрен яхшырта алган, 9 процент катнашучының баллары үзгәрмәгән.

Искәртеп узабыз, 2024 елның февралендә Россия президенты Владимир Путин Федераль Җыенга юллама барышында укучыларга БДИда предметларның берсен яңадан тапшыру мөмкинлеген бирергә тәкъдим итте.

Кызыклы яңалыкларны күзәтеп бару өчен безнең МАХ каналына кушылыгыз.