7, 8 һәм 9 май көннәрендә автобус һәм троллейбус маршрутларында үзгәрешләр булачак

Бу хакта бүген журналистларга Казан шәһәре Башкарма комитеты башлыгының беренче урынбасары Дамир Фәттахов әйтте.

Аерым алганда, автобус һәм троллейбус маршрутындагы вакытлыча үзгәреш 3, 5, 7, 8 һәм 9 май көннәрендә булыр дип көтелә. 9 май көнне Җиңү парады һәм "Үлемсез полк" йөреше вакытында 2 нче троллейбус маршруты көн буе туктатылып тора.

9 май көнне 09.00 сәгатьтән 16.00 сәгатькә кадәр 3, 5, 7, 8 нче троллейбуслар йөрмәячәк. 9 майда 12.30 сәгатьтән 16.00 сәгатькә кадәр Горький исемендәге мәдәният һәм ял үзәк паркыннан Карл Маркс урамына кадәр "Үлемсез полк" йөреше вакытында 22, 28, 83, 89 нчы автобусларның маршруты үзгәрә.