Абитуриентлар вузга ашкына - сәгать саен 8 мең гариза тапшырыла

"Югары уку йортларына онлайн укырга керү" сервисын кулланып, абитуриентлар инде 500 меңнән артык гариза биргән. Порталда сәгатенә уртача 8 мең гариза кабул ителә. Бу хакта РФ Цифрлы үсеш, элемтә һәм массакүләм мәгълүмат министрлыгы хәбәр итә.

 Күпчелек абитуриентлар документларны берьюлы ике югары уку йортына тапшыра. Ә иң популяр белгечлекләр арасында быел да мәгълүмати технологияләр лидер булып тора. Шулай ук иң популяр юнәлешләр арасында педагогика, клиник медицина, икътисад һәм идарә, машина төзелеше.

Иң күп онлайн гаризалар Мәскәү, Санкт-Петербург, Татарстан, Свердловск һәм Новосибирск өлкәсеннән кабул ителә. Югары уку йортына кабул итү кампаниясе 25 июльгә кадәр дәвам итә.