Алабугада беренче “Макдональдс”

11 сентябрь көнне Алабугада беренче"Макдональдс" ачылачак. 73 меңләп кеше яши торган шәһәр өчен бу бик зур вакыйга. Әлеге тантанада шәһәр мэры Геннадий Емельянов, "Макдональдс"ның Россиядәге вице-президенты да катнашыр дип көтелә. Чаллылар да үзләрендә кайчандыр беренче тапкыр "Макдональдс" ачылуга чиксез шат булган иде. Хезмәткәрләрне ул чакта бер нәрсә гаҗәпләндергән:клиентлар күп булса да, чүп савытлары буш булган. Баксаң, фасфуд капларын, сок савытларын чаллылар истәлек итеп өйләренә алып кайтып китә торган булганнар.