#Кыскача яңалыклар 15 август 2023, 12:43

Алдагы көннәргә һава торышы ничек булачак?

15 август 2023, 12:43

Иртәгә, 16 августта, атмосфера фронтлары тәэсирендә республикада урыны белән кыска вакытлы яңгырлар явачак, аерым районнарда яшен һәм җилнең тизлеге секундына 15-20 метрга кадәр көчәюе көтелә. Һава температурасы төнлә +13..+20 градус, көндез +25..+31 градус булачак.

Скопировать ссылку

Пәнҗешәмбегә каршы төндә, 17 августта, синоптиклар урыны белән кыска вакытлы яшенле яңгырлар вәгъдә итә. Төнге сәгатьләрдә термометр баганалары +14..+19 градус күрсәтсә, көндезге сәгатьләрдә һава +27.. +32 градуска кадәр җылыначак.

18 августта, антициклон тәэсирендә, төбәктә явым-төшемсез һава торышы саклана. Көндез +29дан +34 градуска кадәр эссе булачак.
Әмма 19 августка яшенле яңгырлар кире кайтачак. Урыны белән кыска вакытлы яңгырлар фаразлана, аерым районнарда яшен булырга мөмкин. Көндез +26дан +31 градус җылы булачак.

Кызыклы яңалыкларны күзәтеп бару өчен Т елеграмга кушылыгыз.