#Кыскача яңалыклар 16 февраль 2024, 14:36

Алексей Навальный төзәтү колониясендә вафат булган

16 февраль 2024, 14:36

Алексей Навальный (экстремистик эшчәнлеккә яки терроризмга катнашы булган затлар исемлегенә кертелгән) Ханты-Мансийск автоном округындагы төзәтү колониясендә вафат булган, дип хәбәр итә ТАСС.

Скопировать ссылку

УФСИН сайтында хәбәр ителгәнчә, бу хәл 16 февраль көнне булган. Алексей саф һавада йөреп кергәннән соң үзен начар хис итә һәм шунда ук аңын югалта.

Шул ук вакытта медицина хезмәткәрләре килә, ашыгыч ярдәм бригадасы чакыртыла. Барлык кирәкле реанимация гамәлләре үткәрелгән.

Алексей Навальныйның үлеме сәбәпләре ачыклана. ФСИН әлеге колониягә комиссия җибәргән. Беренчел версияләрнең берсе буенча, матбугат чаралары хәбәр иткәнчә, Навальныйның кан тамырыннан тромбы өзелгән.

Кызыклы яңалыкларны күзәтеп бару өчен безнең МАХ каналына кушылыгыз.