Алты көн эчендә 83 миллион акчасын югалткан

Мәскәү пенсионеры алты көн эчендә мошенникларга 83 миллион сум күчергән. Бу хакта РИА «Новости» хәбәр итә.

Җинаятьчеләр үзләрен хокук саклаучылар һәм банк хезмәткәрләре дип таныштырганнар, пенсионер исеменә кредит рәсмиләштерәләр дип ышандырганнар. Ышандырырлык булсын өчен мошенникларның берсе хәтта видеоэлемтә аша үзенең ялган хезмәт таныклыгын күрсәткән.

Аферистлар, пенсионерларга шалтыратып, аларны «куркынычсыз счетларга» акча күчерергә күндергән. Алты көн эчендә ир-ат 82,8 миллион сумнан артык акчасын күчергән. Акча алуны раслап, мошенниклар мессенджерда ялган банк документлары җибәргәннәр.