#Кыскача яңалыклар 06 октябрь 2018, 09:36

Арча көллиятендә 18 студент агулану очрагының сәбәпләре ачыклана

06 октябрь 2018, 09:36

Кичә Арча педагогика көллиятендә 18 студентның билгесез матдә белән агулануы билгеле булган иде.

Скопировать ссылку

Кичә Арча педагогика көллиятендә 18 студентның билгесез матдә белән агулануы билгеле булган иде.

16 яшүсмер хастаханәгә китерелгән. Бу турыда "Татар-информ" агентлыгына Татарстан прокурорының өлкән ярдәмчесе Руслан Галиев хәбәр иткән.

Чыганак мәгълүматлары буенча, үсмерләрнең берсе интернет-кибеттән сатып алынган хушбуй алып килгән һәм сиптергән. Шуннан соң үсмерләр үзләрен начар хис итә башлаган.

Тулы мәгълүмат ачыклана. Татарстан Сәламәтлек саклау министры бу вазгыятьне үз контроленә алган.

Кичә кич Татарстан Мәгариф һәм фән министрлыгы тарафыннан оештырылган эшче төркем вакыйга урынына киткән. Алар яшүсмерләрнең билгесез матдә белән агулану очрагының сәбәпләрен ачыклау өчен барган. Бу турыда “Татар-информ” агентлыгына министрлыкның матбугат хезмәтендә хәбәр иткәннәр.

“Министрлык хезмәткәрләре вакыйга урынына китте. Тикшерү нәтиҗәләре буенча өстәмә мәгълүмат хәбәр ителәчәк. Хәзер аларның хәле тотрыклы, табибларда курку тудырмый”, - дигәннәр ведомствода.

Кызыклы яңалыкларны күзәтеп бару өчен безнең МАХ каналына кушылыгыз.