#Кыскача яңалыклар 27 май 2019, 15:19

Армиягә чакыру кагыйдәләрен катгыйландырырга җыеналар

27 май 2019, 15:19

Россия Оборона министрлыгы «Хәрби бурыч һәм хәрби хезмәт турында»гы законга төзәтмәләр кертергә тәкъдим итте. Төзәтмәләр медицина комиссиясе үтү процедурасына кагыла, дип белдерде Россиянең «Гвардия» көч ведомстволары юристлар ассоциациясен гамәлгә куючы Олег Жердев. Бу хакта «Известия» газетасы яза.

Скопировать ссылку

«Яңа төзәтмәләр нигезендә, чакырылыш комиссияләренең вәкаләтләре киңәйтеләчәк», - дип яза басма. Әйтик, табиблар моңа кадәр армиягә барудан кичектерелгән егетләрнең сәламәтлеген яңадан тикшерә алачак.

Төзәтмә авторлары фикеренчә, мондый чаралар акчалата бүләк хисабына егетләрне армиягә барудан медицина белешмәсе ярдәмендә азат иткән табиблар белән көрәшергә ярдәм итәчәк.

Моннан тыш, хәзер хәрби хезмәткә яраксыз егетләрне, медицина күрсәтмәләре булган очракта, «ярдәм күрсәтү өчен медицина оешмасына» озатачаклар. Шул рәвешле, аны дәвалап, армиягә яңадан чакырачаклар, әгәр авыру хроник формада булса, хәрби хезмәттән тулысынча азат итәчәкләр.

Татар-информ

Кызыклы яңалыкларны күзәтеп бару өчен Т елеграмга кушылыгыз.