Ату оештырган кызның әтисе, шулай ук мәктәп директоры тоткарланган: аларга җитди сроклар яный

Җинаять эше «Ике һәм аннан да күбрәк кешенең үлеменә китергән утлы коралны саксыз саклау» маддәсе буенча кузгатылган. Аңа ике елга кадәр колония яный.

Исегезгә төшерәбез, элегрәк кызның әтисе тикшерүчеләргә коралны йозак астындагы металл шкафта тиешенчә саклаганын әйткән булган. 16 калибрлы «Бекас»ка бирелгән барлык документлар да тәртиптә. Җинаять планлаштырган кыз, күрәсең, корал сейфының ачкычын урлаган, мылтык һәм ау пычагын алган. Беренчел мәгълүматлар буенча, укучы бу елның җәеннән бирле һөҗүм әзерләгән. Ул мәктәпкә мылтык белән август аенда ук килергә теләгән. Ләкин сейфта корал табылмаган.

Шулай ук гимназия директоры Галина Сауткина да тоткарланган. 12 сәгать буе аннан сорау алганнар, хәзер ул читкә китмәү турында сак астында. Ул «Ике кешенең үлеменә китергән ваемсызлык» маддәсе буенча шикләнелүче булып уза. Максималь җәза - 7 ел колония.