Автобуста – рэп

Җәмәгать транспортына гармуннар белән кереп җырлау, моның өчен акча җыю күренеше инде күптәннән күзәтелгәне юк. Ә менә күптән түгел, берәү Казанда автобуска кереп рэп җырлаган. Дөрес, акча өчен түгел. Пассажирларның берсе бу чыгышны телефонына яздырып, Вконтакте социаль челтәренә урнаштырган, дип хәбәр итә Эфир 24. Рэпка берәүнең дә артык исе китмәгән, социаль челтәрдәге видео астына язылган комментарийлар арасында "җырчының тавышы матур, әмма, автобус - рэп башкару урыны түгел", - дигән сүзләр бар.