Авылларда печән өсте

Кышка чананы җәйдән әзерлә, диләрме әле? Авылларда печәнгә әзерләнә башладылар. Кыр эшләрендә чәчү тәмамланганнан соң, чират печән әзерләүгә дә җитте. Авыл хуҗалыгы һәм азык-төлек министрлыгыннан килгән комиссия районнарда терлек азыгы хәзерләүче техниканың торышын тикшерә.

- Бүген барлык хуҗалыкларда да өлгергән басулар бар. Шуңа күрә вакытны сузмыйча, печәннәрне чабу эшенә керешергә кирәк. Хәзер үләннәрнең иң туклыклы, витаминнарга, протеинга бай вакыты, соңга калсак - сыйфаты югалачак, - ди Кукмара районының баш агрономы Илдар Габбасов.