#Кыскача яңалыклар 15 ноябрь 2021, 12:45

Авыл җирлеге башлыгына карата җинаять эше кузгатылган

15 ноябрь 2021, 12:45

Тикшерүчеләр фаразлавынча, 2017 елның май-июнь айларында Казанда Биектау районының бер авыл җирлеге башлыгы хәрби хезмәттән качарга теләгән егеттән 130 мең сум акча алган.

Скопировать ссылку

Бу акчаны алар армиягә барудан азат иткән өчен хәрби комиссариат хезмәткәренә бирергә ниятләгән.

Шуннан соң авыл җирле башлыгы акчаны үз танышына биргән, ул аны хәрби комиссариат хезмәткәренә тапшырыр дип уйлаган. Чынлыкта исә әлеге арадашчы акчаны үзләштергән һәм аны үз кирәгенә сарыф иткән.

Авыл җирлеге башлыгына карата ришвәт биргәндә арадашлык иткән өчен җинаять эше кузгатылган. Ул үз гаебен тулысынча таныган. Җинаять эшен, алга таба тикшерү өчен, Казанның Совет районы судына тапшырганнар. Арадашчыга карата кузгатылган эш аерым производствода тикшерелә, дип хәбәр итте ТР прокурорының өлкән ярдәмчесе Руслан Галиев.

Чыганак: "Татар-информ"

Кызыклы яңалыкларны күзәтеп бару өчен безнең МАХ каналына кушылыгыз.