#Кыскача яңалыклар 14 февраль 2017, 18:36

«Барс канатлары» чемпионатка әзерләнә

14 февраль 2017, 18:36

Бүген Казанның «Тулпар» спорткомплексында «Барс канатлары» инвалид коляскасындагы баскетболчылар командасының ачык тренировкасы узды. Алар 18-21 февраль көнне Татарстанда узачак Россия чемпионатына әзерләнә. Ярышлар Яшел Үзән районы Васильево бистәсендә булачак.

Скопировать ссылку

Команданың тренеры Василий Кочетков белдергәнчә, әзерлек эшләре план буенча бара.

- Турнирга җитди әзерләнәбез, җәрәхәтләр юк. Максатыбыз бер генә - бары беренче урын. Төп кондәшебез Санкт-Петербург шәһәренең «БасКИ» командасы. Без алар белән еш бәрелешәбез, ләкин әлегә җиңгән юк. Быел җиңүгә өметләнәбез. Егетләр тырыша, әзерлек дәрәҗәсен уен күрсәтер, - диде Василий Кочетков.

Кызыклы яңалыкларны күзәтеп бару өчен безнең МАХ каналына кушылыгыз.