Башкала чәчәккә күмелде

Быел Татарстан башкаласында алты миллионлап чәчәк утыртылган, бу исә XXVII Бөтендөнья студент уеннары үткәрелгән 2013 елга караганда ике тапкырга күбрәк дигән сүз. Казан мэры Илсур Метшин "Эфир" телеканалындагы "Тема" тапшыруында кунакта булган вакытта шундый саннар китерде. Шәһәр башлыгы сүзләренчә, чәчәк композицияләре Казан кунакчыллыгының мөһим бер элементы булып торачак.