Башкортстанлы 63 эт һәм ике песи асрый

Ун сутый җирдә бер катлы торак йорт һәм ике катлы хуҗалык корылмасы бар. Дәва һәм тәрбия даими кирәк булган һәм шулай ук кечкенә эт балалары өйдә хуҗабикә янында, ә калганнары хуҗалык бинасында яши. Һәр этнең үз язмышы, ди ул. Раиса этләрне көненә ике тапкыр йорт тирәли йөртеп керә. Аның ярдәмчеләре юк. Ул берүзе аларга ашарга әзерли, җыештыра, һавада йөртә.

63 этеннән кала тагын 25 эт аңарда кураторлык буенча яши.

Һәр эт шәһәр ветеринария станциясендә теркәлгән, һәркайсының ветеринар паспорты бар.

Ул 14 ел дәвамында этләрен бер үк ветеринарга йөртә. Елына бер тапкыр аларга комплекслы прививка ясала.

"Мин, эшмәкәрлек белән шөгыльләнүдән туктагач, бирешә башладым, әкренләп бар әйберемне саттым. Сатар әйбер калмагач, кешеләрдән сорана башладым. Ә хәзер миңа йөз-ике йөз сум күчерсәләр дә бик сөенәм. Мин бервакытта да үкенмим, тормышта шушы тугры дусларым булуына куанам",- ди ул.