#Кыскача яңалыклар 02 июля 2024, 12:53

БДИ бетерелерме-юкмы - октябрьдә хәл ителәчәк

02 июля 2024, 12:53

Закон проекты авторлары билгеләп узганча, БДИ ата-аналарны репетиторларга акча түгәргә мәҗбүр итә.

Скопировать ссылку

Закон проекты авторлары билгеләп узганча, БДИ ата-аналарны репетиторларга акча түгәргә мәҗбүр итә.

Октябрьдә Дәүләт Думасы бердәм дәүләт имтиханын гамәлдән чыгару турындагы закон проектын беренче укылышта карарга ниятли. Бу хакта, Мәгариф комитеты рәисенең беренче урынбасары Яна Лантратовага сылтама белән, Риа-Новости хәбәр итә.

Искәртеп үтик, июнь аенда өч партия - ЛДПР, КПРФ һәм СРЗП депутатлары Бердәм дәүләт имтиханын төп гомуми һәм урта белем бирү программалары буенча дәүләт йомгаклау аттестациясенә алмаштыруны күздә тоткан документны Түбән палатага кертте. Әгәр дә закон хуплау тапса, ул 2025 елның 1 гыйнварыннан ук үз көченә керергә мөмкин.

Кызыклы яңалыкларны күзәтеп бару өчен Телеграм-каналга кушылыгыз.